കേരള പോലീസിന്റേതെന്ന പേരിൽ പ്രചരിക്കുന്ന മർദ്ദന ദൃശ്യങ്ങൾ വ്യാജം
കേരള പോലീസ് ക്രൂരമായി മർദ്ദിക്കുന്നു എന്ന തലക്കെട്ടിൽ സമൂഹമാധ്യമങ്ങളിൽ പ്രചരിക്കുന്ന വീഡിയോ വ്യാജമാണെന്ന് കേരള പോലീസ് അറിയിച്ചു. ഈ വീഡിയോ യഥാർത്ഥത്തിൽ ഗുജറാത്ത് പോലീസിന്റേതാണ്.
ജനങ്ങളിൽ ആശയക്കുഴപ്പമുണ്ടാക്കുക ലക്ഷ്യമിട്ടുള്ള വ്യാജപ്രചാരണമാണിത്. ഇത്തരം വ്യാജവാർത്തകൾ നിർമ്മിക്കുന്നവർക്കും പ്രചരിപ്പിക്കുന്നവർക്കുമെതിരെ കർശന നിയമനടപടികൾ സ്വീകരിക്കുമെന്ന് കേരള പോലീസ് വ്യക്തമാക്കി. അതിനാൽ, സമൂഹമാധ്യമങ്ങളിലൂടെ ലഭിക്കുന്ന വിവരങ്ങളുടെ ആധികാരികത ഉറപ്പുവരുത്താതെ ഷെയർ ചെയ്യുന്നത് ഒഴിവാക്കുക. ഔദ്യോഗിക വിവരങ്ങൾക്കായി വിശ്വസനീയമായ ഉറവിടങ്ങളെ മാത്രം ആശ്രയിക്കുക.
