കേരളാ പരീക്ഷാഭവനുമായി ബന്ധപ്പെട്ടതായി അവകാശവെച്ചുകൊണ്ട് 'Kerala Board of Public Examinations' എന്ന പേരു വെച്ച് ഒരു വ്യാജ സ്ഥാപനം, 'bpekerala എന്ന വ്യാജ വെബ്‌സൈറ്റ് വഴി LSS/USS പരീക്ഷാഫലം പ്രസിദ്ധീകരിച്ചതായി പ്രചരിപ്പിക്കുന്നുണ്ട്. ജനങ്ങള്‍ ഈ വ്യാജവെബ്സൈറ്റ് ഉപയോഗിക്കാതിരിക്കാന്‍ ശ്രദ്ധിക്കണമെന്ന് പൊതുവിദ്യാഭ്യാസ വകുപ്പ് മന്ത്രിയുടെ ഓഫീസ് അറിയിച്ചു. 

ഈ വെബ്‌സൈറ്റ് ആസ്ഥാനം ഉത്തര്‍പ്രദേശിലാണ്, കേരള സര്‍ക്കാരുമായി ഇതിന് യാതൊരു ബന്ധവുമില്ല. ഈ വ്യാജ പോര്‍ട്ടലില്‍ LSS/USS പരീക്ഷാഫലം ഏപ്രില്‍ 27ന് പ്രസിദ്ധീകരിച്ചുവെന്ന് പ്രസിദ്ധീകരിച്ചിരുന്നതും അത് അടിസ്ഥാനരഹിതമെന്ന് പരിശോധനയില്‍ സ്ഥിരീകരിക്കപ്പെട്ടിരിക്കുന്നു.

യഥാര്‍ത്ഥത്തില്‍, പബ്ലിക് എക്‌സാമിനേഷന്‍സ് വിഭാഗം LSS/USS പരീക്ഷാഫലം ഇതുവരെ പ്രസിദ്ധീകരിച്ചിട്ടില്ല, നിലവില്‍ ഫലം തയാറാക്കുന്ന ഘട്ടത്തിലാണ്. ഔദ്യോഗികമായി പ്രസിദ്ധീകരിച്ചിട്ടില്ലാത്ത സാഹചര്യത്തില്‍ വ്യാജവാര്‍ത്തകളില്‍ വിശ്വസിക്കരുതെന്നും പരീക്ഷാഫലങ്ങളെ കുറിച്ചുള്ള ഔദ്യോഗിക വിവരങ്ങള്‍ Kerala Pareeksha Bhavan (https://www.pareekshabhavan.kerala.gov.in/) മുഖേന മാത്രമാണെന്നും മന്ത്രിയുടെ ഓഫീസ് ഒദ്യോഗികമായി അറിയിക്കുന്നു.