തദ്ദേശസ്വയംഭരണ തിരഞ്ഞെടുപ്പ് വോട്ടര്പട്ടിക പുതുക്കല് സംബന്ധിച്ച പ്രചാരണങ്ങള് വ്യാജം
തദ്ദേശസ്വയംഭരണ തിരഞ്ഞെടുപ്പിന്റെ വോട്ടര് പട്ടികയില് പേര് ചേര്ക്കുന്നതിന് ഒക്ടോബര് വരെ അവസരമുണ്ടെന്ന് സമൂഹമാധ്യമങ്ങളിലെ പ്രചാരണം വ്യാജമാണ്. സംസ്ഥാന തിരഞ്ഞെടുപ്പ് കമ്മീഷന് ഇത്തരത്തില് ഒരു അറിയിപ്പും നല്കിയിട്ടില്ല.
തദ്ദേശസ്വയംഭരണ തിരഞ്ഞെടുപ്പിനുള്ള അന്തിമ വോട്ടര് പട്ടിക 2025 സെപ്റ്റംബര് 2-ന് പ്രസിദ്ധീകരിച്ചിട്ടുണ്ട്. വോട്ടര് പട്ടിക വീണ്ടും പുതുക്കുന്നതുമായി ബന്ധപ്പെട്ട് കമ്മീഷന് ഇതുവരെ ഒരു തീരുമാനവും എടുത്തിട്ടില്ല. വോട്ടര് പട്ടിക പുതുക്കുന്നതിന് കമ്മീഷന് തീരുമാനമെടുക്കുകയാണെങ്കില്, ആ വിവരം ഔദ്യോഗികമായി അറിയിക്കുന്നതാണ്.
തിരഞ്ഞെടുപ്പ് സംബന്ധിച്ചതും വോട്ടര് പട്ടിക പുതുക്കല് സംബന്ധിച്ചതുമായ വിവരങ്ങള്ക്കായി സംസ്ഥാന തിരഞ്ഞെടുപ്പ് കമ്മീഷന്റെ ഔദ്യോഗിക വെബ്സൈറ്റുകളെയോ, സാമൂഹ്യ മാധ്യമ പേജുകളെയോ മാത്രം ആശ്രയിക്കുക. വ്യാജ സന്ദേശങ്ങള് പ്രചരിപ്പിക്കുന്നത് ഒഴിവാക്കുക.
